२०७७ मंसिर ११, बिहिबार

राजधानीमा छठ पर्व : अस्ताउँदो सूर्यलाई अर्घ्य दिइयाे



काठमाडाैं। छठ पर्वको मुख्य दिन आज बेलुकी अस्ताउँदो सूर्यलाई अर्घ्य दिइएको छ। कात्तिक शुक्ल चतुर्थीदेखि सप्तमीसम्म मनाइने पर्वको आज मुख्य दिन हो। शनिबार बिहान उदाउँदो सूर्यलाई अर्घ्य दिएपछि छठ अन्त्य हुन्छ।

विगत वर्षमा राजधानीको कमलपोखरी, नागपाखरी, गहनापोखरी, गुह्येश्वरी मन्दिरअघिको वाग्मतीबाट गौरीघाटसम्मको नदी किनारमा बेहुलीझैँ सिँगारेर छठ घाट बनाइएको हुन्थ्यो। यस वर्ष भने कोरोना सङ्क्रमणका कारण राजधानीमा भौतिक दूरी कायम गरेर अस्ताउँदो सूर्यलाई अर्घ्य दिइएको छ।

विगतमा लाखौँ भक्तजनले कार्तिक शुक्ल षष्ठीको बेलुकी अस्ताउँदो सूर्यलाई अर्घ्य दिने गरेकामा यस वर्ष सीमित ब्रतालु मात्र कमलपोखरी, गुह्येश्वरी, नागपोखरीलगायत नदी किनार एवं जलाशयमा भेटिएका थिए। विगत वर्षमा राष्ट्राध्यक्षका नाताले राष्ट्रपति विद्यादेवी भण्डारीले गुह्येश्वरी, कमलपोखरीमा बनाइएको छठी माताको मूर्तिमा पूजा आराधना गर्ने परम्परा भए पनि यस वर्ष कोरोना महामारीका कारण प्रभावित भयो।

उखुको लाँक्रा र केराको घरीसहित पूजा सामग्री लिएर भक्तजन नदी किनारमा बस्ने क्रम पनि यस वर्ष पातलो मात्र देखिन्थ्यो। विगत वर्षमा रातभर नदी किनारमा हालिएको पालमुनि जाग्राम बसेर बिहान उदाउँदो सूर्यलाई अर्घ्य दिइने व्यवस्था गर्ने गरिएकामा यस वर्ष जिल्ला प्रशासन कार्यालय काठमाडौंले विगत नौ वर्षदेखि छठ मनाउँदै आएका व्रतालुलाई मात्र छठी घाटमा उपस्थित भएर पूजा आराधना गर्न अनुमति दिएको कमलपोखरी छठ समाजका अध्यक्ष राजेन्द्र सिंहले बताए।

कमलपोखरीमा मात्र विगत वर्षमा १५ हजारभन्दा बढी मानिस उपस्थित भई छठ मनाउने गरेकामा यस वर्ष १५० जना ब्रतालुले अस्ताउँदो सूर्यलाई अर्घ्य दिएको उनले सुनाए। यस वर्ष कमलपोखरीमा १७ छठ घाट बनाइएको थियो। आज अस्ताउँदो सूर्यलाई अर्घ्य दिएका भक्तजनले शनिबार बिहान उदाउँदो सूर्यलाई अर्घ्य दिने छन्।

सूर्य षष्ठीसमेत भनिने कार्तिक शुक्ल षष्ठीका दिन अस्ताउँदो र सप्तमीका दिन बिहान उदाउँदो सूर्यलाई अर्घ्य दिए वर्षभर सूर्यको आशीर्वाद पाइने विषय सूर्य पुराणलगायत पौराणिक एवं धर्मशास्त्रका पुस्तकमा उल्लेख गरिएको धर्मशास्त्रविद् एवं नेपाल पञ्चाङ्ग निर्णायक समितिका अध्यक्ष प्रा.डा. रामचन्द्र गौतमले जानकारी दिए।

बुधबार बिहान स्नान गरी चोखो नितो गरेर बसेका ब्रतालुले शनिबार बिहान उदाउँदो सूर्यलाई अर्घ्य दिइ छठ मनाएमा मनोकाङ्क्षा पूरा हुने, छाला एवं आँखाका रोग नलाग्ने धार्मिक विश्वास छ। शनिबार छठ सकिएपछि नदी किनार एवं जलाशयमा सफाइ अभियान सुरु गरिने जनाइएको छ। रासस

तस्वीरहरु: रासस

 

यो पनि हेर्नुहोस्-

कमलपोखरीमा छठ पूजा (तस्वीरहरु)

कोरोना महामारीबीच छठ : घरआँगनमै जलकुण्ड

छठ पर्वको सन्ध्याकालीन अर्घ्य अर्पण

छठ पबनीको उत्पत्ति र विस्तार

छठका अवसरमा प्रदेश २ मा दुई दिन बिदा

आज सन्ध्याकालीन अर्घ्य दिई पूजापाठ गरिने

छठ पर्वको आज मुख्य दिन : अस्ताउँदो सूर्यलाई पूजा आराधना गरी अर्घ्य दिइने

जीवनशैली

राजधानीमा छठ पर्व : अस्ताउँदो सूर्यलाई अर्घ्य दिइयाे


प्रकाशित: शुक्रबार, मंसिर ५, २०७७ २०:४१
  • छठ पर्वको मुख्य दिन आज बेलुकी अस्ताउँदो सूर्यलाई अर्घ्य दिइएको छ।
  • यस वर्ष कोरोना सङ्क्रमणका कारण राजधानीमा भौतिक दूरी कायम गरेर अस्ताउँदो सूर्यलाई अर्घ्य दिइएको छ।
  • शनिबार बिहान उदाउँदो सूर्यलाई अर्घ्य दिएपछि छठ अन्त्य हुन्छ।

काठमाडाैं। छठ पर्वको मुख्य दिन आज बेलुकी अस्ताउँदो सूर्यलाई अर्घ्य दिइएको छ। कात्तिक शुक्ल चतुर्थीदेखि सप्तमीसम्म मनाइने पर्वको आज मुख्य दिन हो। शनिबार बिहान उदाउँदो सूर्यलाई अर्घ्य दिएपछि छठ अन्त्य हुन्छ।

विगत वर्षमा राजधानीको कमलपोखरी, नागपाखरी, गहनापोखरी, गुह्येश्वरी मन्दिरअघिको वाग्मतीबाट गौरीघाटसम्मको नदी किनारमा बेहुलीझैँ सिँगारेर छठ घाट बनाइएको हुन्थ्यो। यस वर्ष भने कोरोना सङ्क्रमणका कारण राजधानीमा भौतिक दूरी कायम गरेर अस्ताउँदो सूर्यलाई अर्घ्य दिइएको छ।

विगतमा लाखौँ भक्तजनले कार्तिक शुक्ल षष्ठीको बेलुकी अस्ताउँदो सूर्यलाई अर्घ्य दिने गरेकामा यस वर्ष सीमित ब्रतालु मात्र कमलपोखरी, गुह्येश्वरी, नागपोखरीलगायत नदी किनार एवं जलाशयमा भेटिएका थिए। विगत वर्षमा राष्ट्राध्यक्षका नाताले राष्ट्रपति विद्यादेवी भण्डारीले गुह्येश्वरी, कमलपोखरीमा बनाइएको छठी माताको मूर्तिमा पूजा आराधना गर्ने परम्परा भए पनि यस वर्ष कोरोना महामारीका कारण प्रभावित भयो।

उखुको लाँक्रा र केराको घरीसहित पूजा सामग्री लिएर भक्तजन नदी किनारमा बस्ने क्रम पनि यस वर्ष पातलो मात्र देखिन्थ्यो। विगत वर्षमा रातभर नदी किनारमा हालिएको पालमुनि जाग्राम बसेर बिहान उदाउँदो सूर्यलाई अर्घ्य दिइने व्यवस्था गर्ने गरिएकामा यस वर्ष जिल्ला प्रशासन कार्यालय काठमाडौंले विगत नौ वर्षदेखि छठ मनाउँदै आएका व्रतालुलाई मात्र छठी घाटमा उपस्थित भएर पूजा आराधना गर्न अनुमति दिएको कमलपोखरी छठ समाजका अध्यक्ष राजेन्द्र सिंहले बताए।

कमलपोखरीमा मात्र विगत वर्षमा १५ हजारभन्दा बढी मानिस उपस्थित भई छठ मनाउने गरेकामा यस वर्ष १५० जना ब्रतालुले अस्ताउँदो सूर्यलाई अर्घ्य दिएको उनले सुनाए। यस वर्ष कमलपोखरीमा १७ छठ घाट बनाइएको थियो। आज अस्ताउँदो सूर्यलाई अर्घ्य दिएका भक्तजनले शनिबार बिहान उदाउँदो सूर्यलाई अर्घ्य दिने छन्।

सूर्य षष्ठीसमेत भनिने कार्तिक शुक्ल षष्ठीका दिन अस्ताउँदो र सप्तमीका दिन बिहान उदाउँदो सूर्यलाई अर्घ्य दिए वर्षभर सूर्यको आशीर्वाद पाइने विषय सूर्य पुराणलगायत पौराणिक एवं धर्मशास्त्रका पुस्तकमा उल्लेख गरिएको धर्मशास्त्रविद् एवं नेपाल पञ्चाङ्ग निर्णायक समितिका अध्यक्ष प्रा.डा. रामचन्द्र गौतमले जानकारी दिए।

बुधबार बिहान स्नान गरी चोखो नितो गरेर बसेका ब्रतालुले शनिबार बिहान उदाउँदो सूर्यलाई अर्घ्य दिइ छठ मनाएमा मनोकाङ्क्षा पूरा हुने, छाला एवं आँखाका रोग नलाग्ने धार्मिक विश्वास छ। शनिबार छठ सकिएपछि नदी किनार एवं जलाशयमा सफाइ अभियान सुरु गरिने जनाइएको छ। रासस

तस्वीरहरु: रासस

 

यो पनि हेर्नुहोस्-

कमलपोखरीमा छठ पूजा (तस्वीरहरु)

कोरोना महामारीबीच छठ : घरआँगनमै जलकुण्ड

छठ पर्वको सन्ध्याकालीन अर्घ्य अर्पण

छठ पबनीको उत्पत्ति र विस्तार

छठका अवसरमा प्रदेश २ मा दुई दिन बिदा

आज सन्ध्याकालीन अर्घ्य दिई पूजापाठ गरिने

छठ पर्वको आज मुख्य दिन : अस्ताउँदो सूर्यलाई पूजा आराधना गरी अर्घ्य दिइने

सिफारिस