२०७७ मंसिर ११, बिहिबार

आधुनिक कृषि औजारको प्रयोगमा कृषककाे आकर्षण



डाेटी। पछिल्लो समय किसान खेत जोत्न, धान चुट्न, गहुँ काट्न तथा मकै छर्ने लगायतका काममा आधुनिक कृषि औजारको प्रयोगमा कृषक आकर्षित हुन थालेका छन्। उनीहरूले हाते ट्र्याक्टर र थ्रेसरको प्रयोग गर्न थालेका हुन्।

ती औजारको प्रयोगले समय र श्रम दुवै कम हुने भएकाले उनीहरू ती औजारप्रति बढी आकर्षित हुने गरेका हुन्।

गोरुले जोत्नुभन्दा हाते ट्र्याक्टरले खेत जोत्न छिटो तथा सजिलो हुने दिपायल पिपल्लाकी देवकी कठायत खड्काले बताइन्। 

“महिलाले पनि सजिलै जोत्न सक्ने मिल्ने भएका कारण जिल्लामा हाते ट्र्याक्टरको माग बढ्दै गएको हो,” उनले भने, “पछिल्लो समय मैले पनि हाते ट्र्याक्टरले खेत जोत्न थालेकी छु, राम्रै भएको छ।”

यहाँका अधिकांश किसानले गोरुले खेत जोत्नुको सट्टा हाते ट्र्याक्टरले खेत जोत्न थालेका छन्। यसका साथै जिल्लामा धान चुट्न तथा गहुँ काट्नका लागि थ्रेसर औजारको प्रयोग पनि बढ्दै गएको छ। 

गोरुले एक दिनमा जोत्ने खेत हाते ट्र्याक्टरले एक/दुई घण्टामा सक्ने भएकाले समय र श्रमसमेतको बचत हुने सिलगढी नगरपालिका-३, बाँफी गाउँका हिक्मतबहादुर साउँदले जानकारी दिए।

उनले भने, “गोरु नलाग्ने ठाउँ समेतमा हाते ट्र्याक्टर लैजान र जोत्न सकिने भएकाले यसको राम्रो माग छ, छिटोछरितो काम गर्न निकै उपयोगी साधन छ हाते ट्र्याक्टर।”

पछिल्लो समय जिल्लामा हाते ट्र्याक्टर तथा थ्रेसर औजार खरिद गर्नेको सङ्ख्या वृद्धि हुँदै गएको प्रदेश कृषि विकास निर्देशनालय दिपायल राजपुरका प्रमुख यज्ञराज जोशीले बताए। 

उनले भने, “कृषि यन्त्रको माग बढेपछि कतिपय किसानलाई हामीले पनि अनुदानमा कृषि यन्त्र दिन थालेका छौँ, कतिपयले त आफैँ पनि किनेर प्रयोग गर्ने गरेको पाइएको छ।” 

निर्देशनालयले आधुनिक उपकरणमा अनुदान दिँदै आएको र जिल्लाभर १०० भन्दा बढी किसानले अनुदानमा विभिन्न कृषियन्त्र पाएको जनाएको छ। सहर बजार तथा समथल क्षेत्रमा भन्दा पनि यहाँका ग्रामीण क्षेत्रका खेतमा कृषि औजारको बढी प्रयोग हुने गरेको किसान बताउँछन्। रासस

अर्थतन्‍त्र

आधुनिक कृषि औजारको प्रयोगमा कृषककाे आकर्षण


प्रकाशित: शनिबार, मंसिर ६, २०७७ १३:२३
सारांशमा :
  • महिलाले पनि सजिलै जोत्न सक्ने मिल्ने भएका कारण हाते ट्र्याक्टरको माग बढ्दै गएको हो।
पूरा पढ्नुहोस्

डाेटी। पछिल्लो समय किसान खेत जोत्न, धान चुट्न, गहुँ काट्न तथा मकै छर्ने लगायतका काममा आधुनिक कृषि औजारको प्रयोगमा कृषक आकर्षित हुन थालेका छन्। उनीहरूले हाते ट्र्याक्टर र थ्रेसरको प्रयोग गर्न थालेका हुन्।

ती औजारको प्रयोगले समय र श्रम दुवै कम हुने भएकाले उनीहरू ती औजारप्रति बढी आकर्षित हुने गरेका हुन्।

गोरुले जोत्नुभन्दा हाते ट्र्याक्टरले खेत जोत्न छिटो तथा सजिलो हुने दिपायल पिपल्लाकी देवकी कठायत खड्काले बताइन्। 

“महिलाले पनि सजिलै जोत्न सक्ने मिल्ने भएका कारण जिल्लामा हाते ट्र्याक्टरको माग बढ्दै गएको हो,” उनले भने, “पछिल्लो समय मैले पनि हाते ट्र्याक्टरले खेत जोत्न थालेकी छु, राम्रै भएको छ।”

यहाँका अधिकांश किसानले गोरुले खेत जोत्नुको सट्टा हाते ट्र्याक्टरले खेत जोत्न थालेका छन्। यसका साथै जिल्लामा धान चुट्न तथा गहुँ काट्नका लागि थ्रेसर औजारको प्रयोग पनि बढ्दै गएको छ। 

गोरुले एक दिनमा जोत्ने खेत हाते ट्र्याक्टरले एक/दुई घण्टामा सक्ने भएकाले समय र श्रमसमेतको बचत हुने सिलगढी नगरपालिका-३, बाँफी गाउँका हिक्मतबहादुर साउँदले जानकारी दिए।

उनले भने, “गोरु नलाग्ने ठाउँ समेतमा हाते ट्र्याक्टर लैजान र जोत्न सकिने भएकाले यसको राम्रो माग छ, छिटोछरितो काम गर्न निकै उपयोगी साधन छ हाते ट्र्याक्टर।”

पछिल्लो समय जिल्लामा हाते ट्र्याक्टर तथा थ्रेसर औजार खरिद गर्नेको सङ्ख्या वृद्धि हुँदै गएको प्रदेश कृषि विकास निर्देशनालय दिपायल राजपुरका प्रमुख यज्ञराज जोशीले बताए। 

उनले भने, “कृषि यन्त्रको माग बढेपछि कतिपय किसानलाई हामीले पनि अनुदानमा कृषि यन्त्र दिन थालेका छौँ, कतिपयले त आफैँ पनि किनेर प्रयोग गर्ने गरेको पाइएको छ।” 

निर्देशनालयले आधुनिक उपकरणमा अनुदान दिँदै आएको र जिल्लाभर १०० भन्दा बढी किसानले अनुदानमा विभिन्न कृषियन्त्र पाएको जनाएको छ। सहर बजार तथा समथल क्षेत्रमा भन्दा पनि यहाँका ग्रामीण क्षेत्रका खेतमा कृषि औजारको बढी प्रयोग हुने गरेको किसान बताउँछन्। रासस

सिफारिस