इरानी नेता खामेनीले दिए ट्रम्पलाई चुनौती, ट्‍विटर अकाउन्ट बन्द



काठमाडौं। इरानी सर्वोच्च नेता आयातुल्लाह खामेनीको एक ट्‍विटले सिर्जना गरेको विवादका कारण सोसल मिडिया तातेको छ। ट्‍विटमा खामेनीले अमेरिकाका पूर्वराष्ट्रपति डोनाल्ड ट्रम्पले इरानी सैन्य कमान्डर जनरल कासिम सुलेमानीको हत्या गरेको हुनाले त्यसको बदला लिने कुरा गरेका छन्। ट्‍विटर कम्पनीले खामेनीको अकाउन्ट निलम्बन गरेको बताएको छ।

ट्‍विटरका प्रवक्ताले रोयटर्ससँग कुरा गर्दै भनेका छन्, ‘‘त्यो एक नक्कली अकाउन्ट थियो, जसले ट्‍विटरको नियम उल्लंघन गरेको छ। त्यसैले त्यो अकाउन्ट बन्द गरिएको छ।’’ खामेनीले फारसी भाषामा रहेको आफ्नो अकाउन्टबाट पनि यही कुरा ट्‍विट गरेका छन्। उनको अकाउन्टमा तीन लाखभन्दा बढी फलोअर छन्।

विवादित यो ट्‍विटको स्क्रिनसट अहिले पनि सोसल मिडियामा सेयर भइरहेको छ। त्यसमा ट्रम्पजस्तै एकजना मानिस लडाकू विमान या ड्रोनको छायाँमा गल्फ खेलिरहेको देखिन्छ। यही तस्बिर खामेनीको वेबसाइटमा पनि प्रयोग गर्दै त्यसमा ‘बदला अवश्यम्भावी छ’ लेखिएको छ। बदला शब्द रातो अक्षरमा लेखिएको छ।

ट्‍विटमा लेखिएको छ, ‘‘सुलेमानीको हत्यारा र जसले हत्या गर्ने आदेश दियो, उसले मूल्य चुकाउनु पर्नेछ।’’ सुलेमानीको नेतृत्वमा इरानले इराक र सिरियाका कयौं सैन्य गुटलाई मद्दत गरेर आफ्नो स्थिति बलियो बनाएको थियो।

करिब वर्ष दिनअघि अमेरिकाले ड्रोन हमला गरेर सुलेमानीको हत्या गरिदिएको थियो। त्यसबखत ट्रम्पले ‘जनरल सुलेमानीलाई लाखौं मानिसको हत्याको जिम्मेवार’ ठहर्‍याएका थिए।

त्यसपछि इरानले पनि बदला स्वरुप इराकस्थित अमेरिकी एयरबेसमा मिसाइल हमला गरेको थियो। त्यो बेला खामेनीले ‘कडा ढंगमा बदला लिने’ बताएका थिए।

यसअघि पनि खामेनीको अर्को एउटा ट्‍विट बन्द गरिदिएको थियो। त्यसमा उनले अमेरिका र बेलायतमा बनेको कोरोना भ्याक्सिनलाई विश्वास गर्नै नहुने बताएका थिए।

(बीबीसी)

अन्तर्राष्ट्रिय

इरानी नेता खामेनीले दिए ट्रम्पलाई चुनौती, ट्‍विटर अकाउन्ट बन्द


प्रकाशित: शनिबार, माघ १०, २०७७ १३:३१
  • ट्‍विटमा खामेनीले अमेरिकाका पूर्वराष्ट्रपति डोनाल्ड ट्रम्पले इरानी सैन्य कमान्डर जनरल कासिम सुलेमानीको हत्या गरेको हुनाले त्यसको बदला लिने कुरा गरेका छन्।
  • खामेनीले फारसी भाषामा रहेको आफ्नो अकाउन्टबाट पनि यही कुरा ट्‍विट गरेका छन्। उनको अकाउन्टमा तीन लाखभन्दा बढी फलोअर छन्।
  • यसअघि पनि खामेनीको अर्को एउटा ट्‍विट बन्द गरिदिएको थियो। त्यसमा उनले अमेरिका र बेलायतमा बनेको कोरोना भ्याक्सिनलाई विश्वास गर्नै नहुने बताएका थिए।

काठमाडौं। इरानी सर्वोच्च नेता आयातुल्लाह खामेनीको एक ट्‍विटले सिर्जना गरेको विवादका कारण सोसल मिडिया तातेको छ। ट्‍विटमा खामेनीले अमेरिकाका पूर्वराष्ट्रपति डोनाल्ड ट्रम्पले इरानी सैन्य कमान्डर जनरल कासिम सुलेमानीको हत्या गरेको हुनाले त्यसको बदला लिने कुरा गरेका छन्। ट्‍विटर कम्पनीले खामेनीको अकाउन्ट निलम्बन गरेको बताएको छ।

ट्‍विटरका प्रवक्ताले रोयटर्ससँग कुरा गर्दै भनेका छन्, ‘‘त्यो एक नक्कली अकाउन्ट थियो, जसले ट्‍विटरको नियम उल्लंघन गरेको छ। त्यसैले त्यो अकाउन्ट बन्द गरिएको छ।’’ खामेनीले फारसी भाषामा रहेको आफ्नो अकाउन्टबाट पनि यही कुरा ट्‍विट गरेका छन्। उनको अकाउन्टमा तीन लाखभन्दा बढी फलोअर छन्।

विवादित यो ट्‍विटको स्क्रिनसट अहिले पनि सोसल मिडियामा सेयर भइरहेको छ। त्यसमा ट्रम्पजस्तै एकजना मानिस लडाकू विमान या ड्रोनको छायाँमा गल्फ खेलिरहेको देखिन्छ। यही तस्बिर खामेनीको वेबसाइटमा पनि प्रयोग गर्दै त्यसमा ‘बदला अवश्यम्भावी छ’ लेखिएको छ। बदला शब्द रातो अक्षरमा लेखिएको छ।

ट्‍विटमा लेखिएको छ, ‘‘सुलेमानीको हत्यारा र जसले हत्या गर्ने आदेश दियो, उसले मूल्य चुकाउनु पर्नेछ।’’ सुलेमानीको नेतृत्वमा इरानले इराक र सिरियाका कयौं सैन्य गुटलाई मद्दत गरेर आफ्नो स्थिति बलियो बनाएको थियो।

करिब वर्ष दिनअघि अमेरिकाले ड्रोन हमला गरेर सुलेमानीको हत्या गरिदिएको थियो। त्यसबखत ट्रम्पले ‘जनरल सुलेमानीलाई लाखौं मानिसको हत्याको जिम्मेवार’ ठहर्‍याएका थिए।

त्यसपछि इरानले पनि बदला स्वरुप इराकस्थित अमेरिकी एयरबेसमा मिसाइल हमला गरेको थियो। त्यो बेला खामेनीले ‘कडा ढंगमा बदला लिने’ बताएका थिए।

यसअघि पनि खामेनीको अर्को एउटा ट्‍विट बन्द गरिदिएको थियो। त्यसमा उनले अमेरिका र बेलायतमा बनेको कोरोना भ्याक्सिनलाई विश्वास गर्नै नहुने बताएका थिए।

(बीबीसी)

सिफारिस